剛剛完成了...提早ko功課的感覺很好

寫了3110個字的癈話...

我覺得...我的吹水能力仍然好fit~hoho~~~

今天係20號...話說我本schedule 寫左朱生日...我仲以為自己咁勁記得豬生日....

原來我有兩位分別叫朱(chu), 同豬(zhuu)都係今日生日....

特此, 要紀念一下, 今日生日的朱/豬...生日快樂!!!

我真的有可能是讀寫障礙

草本綱目     本草綱目

腹狀舟         舟狀腹        我考試的時候真的說了腹狀舟, 好彩最後都及時改口... 嚇親納老師

一禪指         一指禪       我覺得兩個都可行的... 我只記得 "依zee橙"

其實多讀幾次之後, 便很難一口就能分別誰是正確了...

本週發生兩件靈異事件

一. 剛才由西鐵站回家的途中, 本來同一條路的行人都往同一個方向離開, 突然有位人兄走回來, 手上拿著一個電話說：" 個電話搵你ga!"  我：" 下!!??"(心想: 我唔識你ga wo!!!!)

電話入面原來係我個白痴同學...而這位人兄係我個白痴同學ge朋友, 而白痴同學更於別人的電話中問我明天會否去打波, 其實我並不太好意思用一個陌生人的電話講私人事

--------------------------

第二件事真係極度恐怖~~

話說萬聖節當晚, 本人去red完之後回家, 睡時都已經是2時左右了。家中只有我和brother, 而他都已經睡覺了。我照樣開收音機....聽到雲海做節目, 我一向怕死唔敢聽鬼故, 但我以為雲海一向都是說ufo而非鬼, 所以沒有關機。誰不知, 他正談及一個醫生於睡覺時發怪夢, 夢見自己於家中的衣櫃發現一個血流披面的屍體。而我已經驚得要命, 又不知之前於哪聽過, 不可以於別人說鬼故中突然唔聽, 否則隻鬼會黎搵你....所以我又不敢關機...

就係lee個時候, 突然有人按門鐘... 我sister說過不回來, 媽咪要返工...而按門鐘愈按愈急, 我完全唔敢行出去...hide左係床...最終我細佬被嘈醒左, 去開門.....我都一直冇落床....最終...我好似驚驚下就訓左...

第二朝問細佬究竟係咩人...佢話佢係被人嘈醒, 一開門見到一個好似化左萬聖節鬼樣ge人...見到我細佬之後發現自己去錯屋就sorry一句走左....而細佬更因來不及罵佢而鬱住度氣返去訓....

嘩!!!好彩我堅持唔去開門...如果我係果個狀態見到d咁ge野...我唔知我會發生d咩事....

好耐冇理過個xanga~有感而發~

是日逃學...因為終於考哂mid term的原故, 所以懶散地唔想起床...

本來想好好地hea一日, 睇下剛剛借返來ge新書... 不過都係積極一d, 實現早排ge靈感~~落左公園行, 自己一個行十分自由~~執返哂以前d畫, 再油返白...好忙碌全日冇停手...不過仲未開始到我ge idea~~下次再做... 因為使用噴漆時冇做好protect, 使呼吸困難, 個頭好暈....可能le個就係人地吸完毒ge感覺~~不過我覺得好辛苦!!!

------------------------------

宮心計好好睇ar~~ 你同佢係好姐妹, 不過如果佢做ge事你唔認同。你應該因為你係佢好朋友而義無反顧地support佢, 定係.... 

哈~可以定係d咩ar? 你都冇野可以做到ga la~~ 改變下自己ge諗法唔好咁stubborn lo~個個都同你一樣咩....你又控制唔到佢, 唯有祝佢好運... 最後佢可以turn到返去你個channel, 未可以又傾多幾句lo... 唔arm channel ge就只可以繼續係表面地好朋友了!!!

早幾日終於明白點解中學同學仔好似唔多mature, 唔喜歡ge人就會開個小圈子, 又要排擠lee個, 隔一排之後又排擠另一個....因為中學堂堂見, 冇得避, 鐘意就會愈來愈鐘意~ 唔鐘意某人ge時候, 佢吸口氣都覺得佢黑人憎....

而大學唔係大學生忽然成熟, 而係唔洗堂堂見, 唔洗下下見到, 磨擦少左, 未唔洗搞小圈lo~~

-----------------------------

仲有1個半月就正真結束學校上堂ge生活, 中大最後的半個sem... 我仲有好多事想做...